Wednesday, December 21, 2016

മണിവിളക്കു-4
  സ്കൂൾ ബഞ്ച്‌
          -സൈമൺ സഖറിയ
ഒന്നാം ക്ലാസ്സിൽ അന്നുണ്ടൊരു ഒന്നാം ബഞ്ച്‌,
നീണ്ടു മയമേറിയ മാവിൻ കുള്ളൻ ബഞ്ച്‌,
പത്തു കുഞ്ഞുങ്ങൾ അതിൽ ചേർന്നിരിക്കും
ആൺ പെൺ ഭേദം അറിയാത്ത ബഞ്ച്‌!

രണ്ടാം ക്ലാസ്സിലെ ബോയ്സിന്റെ ഉന്തുബഞ്ച്‌,
ഒരറ്റത്തു നിന്നും മെല്ലെ തള്ളും ചിലർ,
വായ് നോക്കികൾ അതു തുടർന്നു തള്ളും,
മറ്റേ അറ്റത്തുള്ളവൻ കാറും "ടീച്ചറേ"ന്നു.

മൂന്നാം ക്ലാസ്സിലുണ്ട്‌ പിന്നിലായ്‌ കുറുമ്പ്‌ ബഞ്ച്‌,
മടിയന്മാർ, പോക്കിരികളെ കയറ്റി നിർത്താൻ!
അവിടെ നിന്നാൽ കാഴ്ച ഒന്നു വേറെ തന്നെ,
വഴിപോക്കർക്കെല്ലാം എന്നെ കാണാം പിന്നെ!

നാലാം ക്ലാസ്സിൽ ബഞ്ചുകൾ ഏറെയുണ്ടേ,
എന്റെ സ്കൂൾ അടക്കുന്ന സുദിനം ഇന്നാണേ,
ബഞ്ചുകൾ അടുപ്പിച്ചിട്ട്‌ അവയിൽ ചാടി ഓടി,
ഒന്നു പുഞ്ചിരിച്ച്‌ ഹെഡ്മിസ്റ്റ്രസ്‌ കടന്നുപോയി!

0 Comments:

Post a Comment

Subscribe to Post Comments [Atom]

<< Home